Living inna Babylon
Mi haffi tell yuh dis

Everybody waan run go foreign
Leff di island food
Leff di island sea
Leff di island sun
Leff di island sand

Dem jump outta di pot
An drop eena di fryin’ pan

Try dem try
Still cya get no real pay

When Babylon system
Catch dem off guard
All di shine done
All di joy gone
All dem do a
Carry on

Tings rough a yard
But tings mad a broad

Now all yuh waan
A fi go
Back home

Tek yuh long fi see
Yuh nuh haffi feel
Fi learn